【有創意我鍾意】唔知阿媽幾時先發現屋企啲相變晒狗樣呢?

有啲阿媽硬係鍾意掛到成屋都係囝囝囡囡啲相,但係自己平日又唔多望㗎啵~你估啲相真係畀屋企人望㗎咩,係等啲姨媽姑姐嚟到當做展覽咁show畀人睇自己啲仔女有幾得意咋。

唔信?做個實驗咪知囉!

圖片來源:Slatez_/twitter

好似呢個網民咁,將自己幅相換咗金仔成兩個禮拜,阿媽都唔發覺呀!嗱嗱嗱,一次實驗就唔代表啲咩嘅,梗係要做多幾個嚟求證啦~

外國有個妹豬又學人玩阿媽,不過今次唔係將啲相換做偉大嘅金仔,係換咗做屋企隻狗狗呀!

圖片來源:mhooper_2014/twitter

仲要幫狗狗Cosplay返相入面個Look𠻹啵,鬼馬喇你!睇下狗狗嗰一雙又圓又水汪汪嘅大眼晴,襯埋嗰幾條辮仔,仲嬌俏過原本張相呀。

圖片來源: mhooper_2014/twitter

影返歷史悠久啲嘅黑白相都完全冇難度呀!之但係主人你有冇諗過狗狗嘅感受呀?佢個樣完全就係「你班_街畀我抖下啦好冇⋯⋯」咁呀。

圖片來源:mhooper_2014/twitter

仲要連畢業相都有𠻹,整咗咁多張相,阿媽冇理由睇唔到喇啩!

圖片來源:mhooper_2014/twitter

阿媽梗係睇到啦,仲畀阿女吹到啤一聲𠻹啵~搞到阿媽要同朋友解釋點解成屋都係狗仔啲大大張嘅相呀!咦,阿媽,乜唔係應該你自己喺屋企發現㗎咩,點解要同朋友解釋嘅?事實證明,果然當阿媽發現啲相有唔妥嗰陣,就係佢做緊子女導賞員之時⋯⋯

 

 

 

封面圖片及資料來源:mhooper_2014/twitterSlatez_/twitter

毛記電視網站 · 版權所有 · 不得轉載 Copyright © TVMOST.COM.HK All rights reserved