【一次過滿足你四個願望】日本便利店呢款三文治簡直係雞蛋控必食呀!

召集所有鐘意食雞蛋嘅面孔!雞蛋又平又正,你講得出嘅煮法都可以整到,仲要營養又高,真正身份肯定係天神開Party嘅時候唔小心跌落凡間嘅寶貝嚟呀!

圖片來源:eatmorecakes/twitter

鍾意食雞蛋嘅朋友留意喇,日本LAWSON便利店呢款三文治,一定係你杯茶呀!日本便利店乜spring都好食過人就唔使講啦,而佢哋仲好細心咁為雞蛋控推出咗一款全蛋三文治𠻹!

圖片來源:eatmorecakes/twitter

唔好睇佢成個都係橙黃色,就以為只係好多好多雞蛋擺埋一齊咁簡單呀,其實佢入面有蛋沙律、半熟蛋、玉子燒同炒蛋四款做法嘅蛋蛋,一次過滿足你四個願望呀!

圖片來源:352c_/twitter圖片來源:352c_/twitter

除咗雞蛋控三文治,原來日本便利店仲有其他為偏食人士而設嘅瘋狂麵包㗎!你以為紅生姜只係食一兩塊吊下味就夠?傻啦,堆到成個包都係都仲得呀!

圖片來源:xenochros /twitter圖片來源:usamix753/twitter

火腿~全部都係火腿~朱古力~全部都係朱古力~

雖然只係一件十幾廿蚊港紙嘅便利店三文治,但都咁有諗頭,日本人真係好幸福呀……如果要喺香港買便利店三文治,硬係有種嗱嗱聲吞咗佢就返公司開會嘅感覺囉。

 

 

封面圖片、資料來源連結:eatmorecakes/twitter

毛記電視網站 · 版權所有 · 不得轉載 Copyright © TVMOST.COM.HK All rights reserved