「死喇，唔記得帶銀包。」
「唔緊要，拎去食住先，你放學再返嚟畀錢我啦！」

你冇聽錯，呢個喺何文田學校區做流動雪糕車小販嘅華哥，真係唔介意學生哥賒住數先，甚至有時仲大方到，你帶唔夠錢都照平賣畀你。嘩，乜咁做生意都得啊？呢個傻得嚟又有啲人情味嘅華哥笑笑口話：「唔係下下都計賺蝕嘅，最重要係班塞豆窿開心啊！」