//t100.tvmost.com.hk/t
//t000.tvmost.com.hk/t/c
20241121 1732
犬時代
籌備成個禮拜，耗資二百幾蚊，每集長達兩分幾鐘，
毛記電視開台鉅獻，重頭師奶億集長劇：犬時代！
人在江湖，身不由己；狗在Office，生不如死！
扮工室內，各懷鬼胎；狗咬狗骨，賤到出汁！
好傻好天真的肥仔J蟹於股壇縱橫馳騁多年，從未成功，終於輸乾輸淨，流落百毛實業（國際）控股有限公司任職首席低級員工（俗稱：Boy），每日與吞Pot神童方卸膊、蛇王老妖方晉升及一眾賤精同事周旋，始覺股票市場之腥風血雨遠不如職場人心之險惡難測……
逢星期一、三、五晚狗點正，這是最大的時代，這是最犬的時代！
角色介紹
臨時直播記招！臨時直播記招！
毛記電視「臨時特約一次性執行董事」陳志雲先生，現身公佈開台鉅獻重頭師奶劇《犬時代》，今晚起「腰斬」，仲破天荒認咗，劇中2位演員戲假情真……
有最低工資冇最高工時，作為食物鏈最底層的打工犬，只能善用公司資源爭取福利，包括狂斟公司水、勁用公司廁紙，偷公司文具。百毛實業作為一間跨（中）國公司，死都唔肯購入大量文具，背後到底有咩陰謀呢？
扮工室內人人天文台，打工狗只有兩條路：講人是非，或者被人講是非……J蟹發現，唯一唔想被人講是非嘅方法，就係——企硬！
遲到係腦細專利，Chok藉口係打工狗秘技。藉口之中，港鐵事故、雨傘運動、瞓晏咗唔知醒都合情合理，因為識遲到，一定係識扮工室生存絕技！
《犬時代》第4集 換水風雲
扮工室內，冇換水專員，邊個飲完最後一啖就要換水（腦細除外），是常識吧？方卸膊、奸姐，情願搾乾自己最後一滴，死唔肯換......留意返，劇情去到「第二日」，會有保證唔Dry嘅震撼性發展！
開會必備議程：聽人講廢話、Recap其他人嘅廢話，同自己講廢話。
今次會議，由李老闆收到同事話想早五分鐘放工嘅匿名信開始……
J蟹初嚟報到進行面試，獲李老闆賞識，坐正「初級見習助理文員初級見習助理」，正式開展在百毛實業的成犬之路。
一隻、兩隻、三隻、四隻......
做狗做到跳樓都未上到樓！
原本好傻好天真的J蟹，到底因咩事掟人落街？極盡浮誇，叫到聲沙,直撃J蟹成魔一幕，只為揭開做狗實錄的序幕。
籌備成個禮拜，耗資二百幾蚊，每集長達兩分幾鐘。毛記電視開台鉅獻，重頭師奶億集長劇。
《犬時代》主題曲 林海峰《歲月毛情》
毛記電視網站 · 版權所有 · 不得轉載 Copyright © TVMOST.COM.HK All rights reserved.
