今次PK了！
行出街最怕見到舊同學，明明幾十年冇見，明明大家都想走，又焗住冇嘢講搵嘢講扮親暱，但講嚟講去都係咸豐年前學生時代嘅爛事，嗰種尷尬真係唔講得笑。所以學《東邪西毒》話齋，唔想自己7，最好嘅方法就係令佢7，令佢知難而退：
1.扮杜德偉，睇唔到佢直行直過。
2.發佢爛渣話佢認錯人。
3.扮傾緊電話唔得閒應酬佢。
4.約佢得閒飲茶，但你根本唔打算得閒。
5.查佢家宅嚇走佢：「撈邊行？幾錢人工？結婚未？租樓定買樓？答我啦！答我啦嘛！」
6.學陰謀誠Sell佢保險／基金：「先生你有冇儲蓄嘅習慣？」
7.學大王Sell佢健身計劃：「先生先生，你中咗獎喎！」
8.最後殺著，Sell佢撐政改！（講笑咋！佢真係會企喺度同你傾價錢！）
