喺扮工室成日流流長，等極都未夠鐘放工，梗係善用公司冷氣同電腦資源，搵定下份工啦，搵啱嘅咪霸氣咁畀個大信封你腦細囉。不過毛孩提提你，要小心啲睇清楚啲招聘廣告呀，睇漏眼，會出事㗎(司徒法正Mode)。

廿年經驗先得八千蚊人工？乜而家學歷同工作經驗通漲得咁快，遲啲倒垃圾都可能要有博士學位！咁Treegun咪唔愁冇工開囉！

多Ｌ謝喎！我咁努力做嘢都係為咗嗰$500咋，如果唔係每個月46蚊點捱？唔好話上車，搭車都搭唔到，要行路返放工呀！

你以為佢真係請老婆？其實佢請個阿四咋！通常啲老婆娶到返屋企，咪係負責執頭執尾吸塵抹地洗廁所洗底褲囉！傻女！

員工福利有免費制服呀！！！淘寶買衫都慳返！呢份工諗得過呀！可憐我毛孩嘅福利，淨得免費飯盒同自家出品嘅《100毛》一本咋，仲要成日放喺枱面之後就秒速畀人偷走咗！嗚呀！

神童召喚呀喂！毛孩我雖然細細個都會諗大個住喺邊呢啲咁膠深嘅人生哲學問題，但小六就考完會考仲要5科合格我真係做唔到，so9sad！

咁重口味！媽，我都係想正正經經搵份工啫！我唔做人體壽司呀！

喂，一句講晒，請定唔請？唔好阻我時間！BTW，有經驗係唔係有Coupon送？

呢份工我有性趣呀！唔使用腦，朝朝用個patpat坐住個腦返工都得！啱曬我！等等……X你個街，《100毛》啲惡搞分類小廣告嚟嘅！