如果你用20蚊去買一個產品，其實當中有10蚊可能係廣告費。你話佢哋抽水？係，佢哋係抽水，而且有部分嘅廣告唔淨止抽你水，仲抽緊成個太平洋嘅水。如果多多幾個呢啲廣告，全球海洋嘅水平甚至會直線下降㖭！

「袋住先」已經畀人抽到乾咗都仲有得繼續抽，點解？因為袋住先同借錢一樣，要還㗎！爭人嘢唔還，梗係要揪抽佢啦！

存保委員會2013年呢個「包包包」廣告識得用陳蠔名句：「同朕check吓」，當時嚟講算係好潮㗎喇，就好似佢哋仲覺得個潮字好潮一樣！

今年一月Facebook死機一粒鐘，各個大牌子就食住條水整個廣告寸9 Facebook。喂，聽聞方丈朱Hi伯格份人好小氣，小心遲啲封你哋Page呀！

麒麟啤呢下靚抽孽瘤畀麒麟撞，令成個新年都喜氣洋洋，差在未叫小鳳姐咋！

大嘥鬼成功抽CCTVB水，話佢哋嘅宣傳片浪費食物，亂扔蛋糕，咁呀大嘥鬼，機場起三跑大唔大嘥？膠官落區派即拎即棄嘅傳單大唔大嘥？

劉青雲攞金像影帝時同老婆講：「每次當我揸住太空船，飛到宇宙唔知邊度，你總有辦法令我安全返回地球。」真係令所有女士都好葡萄囉，算啦，葡萄X就有得你飲！

Puma本來好成功帶領潮流，製造D7689呢個名詞，點知後尾認衰仔，佢就真係畀人D7啦！

嗱，睇完咁多個抽水廣告，你答我，你覺得邊個廣告抽得最靚先？