有日本網友最近笑我哋啲「小心地滑」警告牌好似兇案現場嗰啲粉筆字人形公仔咁，哼！笑咩啫你？你就當我無知啦，毛孩我非常好奇，日本嘅「小心地滑」警告牌到底有！幾！靚！是咪靚絕全世界？

講真，香港啲「小心地滑」牌雖然多，但嚟嚟去去都係MJ嘅45度角，日本仔就唔同嘞，可能佢哋個地濕得多啲啦，真係跣到攤攤腰㗎，睇見都覺得痛。

其他國家嘅又係點？其實大部分都同上面呢個澳洲嘅牌一樣，亦都即係同香港個牌差唔多，分別只有畫得好唔好睇、有冇動感。唔知日本旅客會唔會一個個國家去笑9佢哋呢？

仲有小部分國家會將個小心地滑牌整得活潑啲，好似美國咁，完美示範咗如何跣低都跣得有霸氣啲：舉高對手，使乜怕醜？

多倫多版嘅就有啲曳曳喇，BTW，幾時會有男版呢？hehe～

畫功唔錯，蝙蝠俠畫得夠晒chok，不過就冇咗小心跣親嘅意思囉。

呢個改得唔錯，蜘蛛俠蜘蛛絲打晒結，保留咗「今舖大檸樂」嘅意思，佳作！

用Hehe國標舞表演叫人小心唔好頂親，呀唔係，係唔好跣親，上上之作！

睇咗咁多「小心地滑」嘅告示牌，證明好多地方都有創意無限嘅佳作，香港幾時會有先？