唔少人話《大時代》丁蟹就好似強國咁，講乜做乜都係自己啱晒，打死人都大條道理。而家你面前就有個活生生嘅案例，強國最強大之處，並唔係佢抄嘢做山寨貨，而係佢抄完你仲可以告返你轉頭！

福建喬丹體育

明眼人一睇就知呢個Logo係抄深受港人追捧嘅Air Jordan，但正牌Jordan竟然告喬丹唔入，睇怕要搵畀網民戲謔打過NBA嘅余文樂同周柏豪出頭先得。

新百倫

正牌New Balance打算喺中國插旗，用新百倫個名做宣傳，點知呢個名一早畀廣州賣皮鞋嘅百倫鞋業註冊咗，畀人罰成9800萬人仔，今次真係左手又係New Ba，手背又係New Ba。

百加V6

話說百加V6告iPhone 6侵權抄V6嘅外型設計，理據係V6早過iPhone 6推出市面，咁都畀佢諗到，真係創意無限。

Land Wind

強國車Land Wind X7無論外型定係品牌名都跟足晒Land Rover嘅Evoque，今次球證旁證足協都係我嘅人，Land Rover你點同我鬥？

《艦娘國服》

北京龍珠數碼跟住日本角川同DMM推出嘅《艦隊Collection》整咗強國版嘅《艦娘國服》，仲想反咬人嚴重抄襲，激L到毛孩要跳返隻咩姑咩姑fire！

榮華大戰

順德榮華抄咗香港榮華個商標，仲索價2.8億先肯賣返畀人，結果大家打足15年官司，香港榮華兩年前仲索性喺強國註冊元朗榮華做商標，真係怕L咗你。

寶緹嘉       

你成日見到但買唔起嘅意大利名牌Bottega Veneta同樣瀨過嘢，畀大家叫慣叫熟嘅中文名寶緹嘉畀人搶咗，焗住喺2013年改名為葆蝶家，唉，而家個名係咪感覺很蝗很暴力……？

阿迪王

同樣係運動品牌，阿迪王一聽就知係抄Adidas，Adidas梗係抵唔住頸告阿迪王抄佢商標，點知打5年官司全部敗訴，去到最後阿迪王肯和解，唔再用偽三間商標先告一段落。