香港寸金尺土，上到車嘅間屋都唔大得去邊，冇樓嘅咪冇樓囉，而家想搵個空間都唔夠。嗱，做人最緊要識變通，間屋掛晒衫都唔使行人啦，唔夠私人空間點解唔考慮用公共空間呢？學嘢啦！

緊握扶手~緊握扶手~緊握扶手~緊握扶手~緊握扶手~ 我緊握咗扶手仲邊有手拎衫呢？梗係掛起佢一齊緊握扶手啦！

物盡其用嘛，同屋企條晾衫竹差唔多啫，有得掛，咪掛住先囉！

如果要曬衫，我會選擇喺港鐵度曬，既方便又搶眼，讓全世界都知道我著名牌貨！

入到地鐵，反正都係汗味男人味腥味咸魚味……㗎啦，加多陣腳「除」味溝埋嚟做重口味吖笨！

咪話咗屋企冇位囉，咁啱窗口出面又有棵樹喎，正所謂樹大招風，咁大風唔用嚟吹乾啲衫好嘥啫，勿做大嘥鬼嘛！