子華神曰：「喺香港地，安樂死就易，要安樂屎好困難。」呢句嘢講咗咁多年，但到今日都仲啱用，要搵個乾乾爽爽嘅廁所去便便，真係好難。不如等毛孩推介幾個屙sss勝地，等你哋食得招積，屙得舒適。

今次推介基於三個標準：

1：衛生情況

相信冇人會鍾意玩屎塔疊羅漢

2：廁所嘅人流

多人到排隊尾連尿兜都見唔到嘅話，你話點算？

3：配套

你估去廁所淨係純粹放水排毒咩？仲要打機啦上網啦……

好，廢話講完，直插入正題。

1.荃灣

荃灣區算係香港舊區，連帶啲廁所都有舊時嘅特色，即係未見其廁先聞其味！不過呢兩個商場嘅廁所可以講係瀆濁廁中嘅清泉！

2.旺角

遊客區，廁所多人流仲多，成日都去廁所排長龍，屙都唔屙得暢通易達！之但係凡事都有例外嘅，呢兩個廁所，算係咁。

3.金鐘

太古廣場除咗關家姐(唔明請喺Google search：家姐被炒潮文)出名，廁所都係，好多識屙嘅人都會去，可以被稱為「廁所中嘅勞斯萊斯」！

4.尖沙咀

另一個可以同太古廣場匹敵嘅廁所就係圓方商場，極度奢華裝修嘅程度，仲靚過我屋企！嗚呀！

5. 中環

講到中環嘅廁所，大家來來去去都係講IFC，等我細細聲講兩個冇乜人知嘅正廁你聽啦，見係你咋！

6. 九龍灣

九龍灣又係舊區，又有好多寫字樓，但最多人行嘅，係德福廣場。而德福廣場嘅廁所，係出奇地好屙，可以講係廁所界嘅黑馬！