是咁的，有鑑於好多香港人次次返強國都要做「忍者」，因為實在係唔想、亦都唔知點用個踎廁。不過原來外國就有研究表示，其實踎住嚟開大會屙得理想啲，冇咁容易有痔瘡同Seafood窿發炎！嗱，睇埋呢個「踎廁Q&A」，下次就可以食飽飯有s屙喇！

Ｑ：踎廁是咪要除咗條褲先屙到㗎？

Ａ：個人喜好啦，睇你想屙去邊，正常嚟講就應該要嘅。

Ｑ：踎嘅時候應該向入定向出呀？

Ａ：根據日本踎廁嘅使用須知嚟講，兩邊都錯！正確答案係窿窿相對，向住個窿！

資料來源：維基百科

Ｑ：踎嘅時候是咪要成隻腳踭貼地㗎？

Ａ：咁要視乎個廁所乾唔乾淨，同埋你嘅腳骨力有幾好！

Ｑ：踎住屙會唔會好難發力㗎？

Ａ：研究話踎住屙可以放鬆條腸啲肌肉，其實會好屙啲㗎。所以，坐住屙係條腸用力，踎住屙係腳趾用力，各有各難啦！

資料來源：theguardian

Ｑ：踎住屙會唔會聞到自己啲便便味㗎？

Ａ：呢一層……應該係啲便便嘅問題，同點屙無關。

Ｑ：踎住屙會唔會好容易腳痺㗎？

Ａ：呢啲嘢練得多就慣，一開始踎得耐係會痺，踎多幾次之後就唔會㗎喇。

Ｑ：踎住屙啲SSS會唔會反彈，彈到自己？

Ａ：除非你痾開嘅係兵乓波，否則正路係唔會反彈嘅。

Ｑ：但係用踎廁好似好俗咁喎？

Ａ：點會呢？而家潮流興復股呀，最緊要屙得健康呀嘛～

*毛毛溫提：用踎廁最緊要收好手機、銀包之類嘅重要私人財產呀！

部分問題來源：香港高登討論區; 親子王國