我細細個睇《警訊》嗰陣，太true太pure，以為佢只係教大家一啲騙徒行騙嘅手法，然後再提吓啲阿婆唔好信咩祈福黨呀寶藥黨，最多再講埋交通意外事發經過呼籲目擊證人講兩句咁，大個咗先發現原來唔係咁簡單㗎：

【手機騙案 毒L求愛？】
騙局層出不窮，借手機騙案已經出現咗好多年，但依然有人受害！所以最新一齣《警訊》就提醒大家要小心。但係，點解要拍毒L被騙呢？唔通毒L係原罪？

毒L心事總是詩，同女神見面，梗係特別浪漫。唔講仲以為陽光出新廣告。

毒L嘅手提密碼原來係心型，仲要做埋手勢，順便同女神表白。

女神用完嘅嘢有陣香味呀，毒L忍唔住索返啖。自認/公認係毒L嘅我睇完都忍唔住講句「媽，好毒呀！」Sor9ly，我知我離咗題……

(來源：Youtube影片)

【網上騙案 愛情陷阱】
你以為上網撳幾個掣、打幾粒字加個Emoji就好易識到女神？《警訊》話你聽，呢啲網戀，好可能係騙案嚟㗎。

話說TIM TIM上網識咗MingMing，傾咗陣偈，就咁畀佢嗰2個心心俘虜咗個心喇！

喺不斷FF底下，有一日，佢哋終於決定要跳出網絡，嚟個毒白相見！

點知……原來係Hehe！

（來源：Youtube影片）

【擺明行騙案】
好多時騙徒都會用盡一切方法去掩飾自己嘅身份，令自己可以成功犯罪。但呢集《警訊》突破盲腸，啲騙徒好似食咗誠實豆沙包，而畀人呃嗰個就食咗個騙徒嘅口水尾，聽晒佢話咁。

開門見山，一嚟就表明自己嘅身份，夠晒誠實呀下。

班賊挾持受害人嗰陣，竟然講埋CCTVB劇集入面慈母捉人嗰陣嘅對白，究竟佢係抽緊水定係想暗示慈母其實叫警賊？

（來源：Youtube影片）

【裸聊勒索 魔王中招？】
為咗令大家對裸聊勒索有更深刻嘅印象，《警訊》嘗試挑戰電視畫面嘅最大尺度……

近似全裸演出，對藝術作出莫大嘅犧牲。

佢哋仲用左蒙太奇嘅手法，將受害者嘅啷啷表現出嚟，唔知有冇跟返比例嘅呢？

BTW，有追開警訊嘅都知呢位人兄係警訊入面專做奸角（冇追開嘅我而家話你聽），估唔到佢都有受害嘅一日啫。同埋佢真名叫吳良榮，大家記得日後留意下。

（來源：Youtube影片）