可能大劉仔嘅言論已經傳咗去日本，日本政府驚後生仔唔再去日本啦，於是乎日圓對港元匯率愈跌愈低，造成「皆大歡喜」現象：
大劉仔
日圓平咗，班廢青就算去一轉日本，都有錢淨低儲起嚟買樓（應該係）。大劉仔嘅爸爸就有錢賺，咁大劉仔咪隨時有得加零用錢？嗚呀~
港女
無論係留喺香港買日本嘢，定係親身飛去鳩鳴都抵好多嘛，以往買一件衫嘅價錢而家可以買多件，不過，你屋企嘅衣櫃鞋櫃儲物櫃同走廊仲有位咩？
兵仔
講真，港女買嘢，最後咪又係班兵仔畀錢。不過而家啲貨平咗，都叫做可以慳返啲錢，係開心嘅。
強國人
仲嚟香港？而家興去日本鳩嗚喇。日圓咁低匯率，強國人又可以飛過去狂掃杭州製日本馬桶，真係愛國鳩嗚兩相宜。
Treegun
Treegun咁愛國，仲唔趁住日圓低水再立馬去宏揚國威咩？又多個為阿爺服務嘅機會，即係又多個上位機會，唔開心就假嘅。
你
唔好畀我講中，對你嚟講，生活上大部分嘢都係同日本有關：Game啦、Figure啦、漫畫啦、衣食住行啦、仲有最重要嘅AV啦，都離唔開日本嘅魔掌。所以日圓狂瀉喇喎，你仲唔開心跳起Yeah？
