你唔好睇少呢部老爺機，佢係「第一代蘋果電腦」，而家價值廿萬美金，即係大約156萬港紙呀！

之但係，呢部價值連城，執到就發達嘅Apple 1，竟然畀個美國婦人當做垃圾咁，扔咗去回收場！！！好彩有個回收人員發現咗，執返拎去拍賣仲賺到好多錢，諗住五五分帳咁分返啲畀個婦人......

毛孩睇返資料，原來呢部係1976年，由已故嘅蘋果創辦人喬布斯同拍擋組裝200部嘅Apple I之一，相當珍貴㗎！所以話啲嘢真係愈舊愈有寶呀！老媽子唔怪得我成屋都係舊時嘅玩具唔扔㗎，第時分分鐘好值錢㗎嘛，who knows？哎吔，我前幾日被迫執房嗰陣，先扔咗幾架（玩具）車同埋1隻（膠）錶咋，蝕咗喇（應該係）！毛孩決定以後除咗緊貼潮流之外，都仲要睇多啲歷史至得喇，如果唔係分分鐘執到寶都唔知，就揼心口喇！

資料來源：ETToday