分手信，要好小心，一個唔覺意，好易hurt親人㗎......

有隻毛孩（利申：唔係我）今日返嚟就拎住呢個message周圍曬，表示自己有錢去日本，又有本錢有仔仔！嗯，其實葡萄呢，我食慣㗎喇，最緊要你有手信分到畀我就OK！

講真，手信呢家嘢，可以話係旅行後遺症中最煩嘅一樣。明明去旅行係為咗避世、為咗散心，點解去到都仲要拎住個手信list嚟執手信，然後返到嚟啲姨媽姑姐、三姑六婆，仲有公司啲八婆同事、腦細，仲有隔籬department三唔識七嘅同事都走嚟問你拎手信，仲要對啲手信諸多意見，唔係話唔好食就係話唔實用，的確好煩。其實啲手信，多數香港都有得買返嘅，下次唔使特登帶佢哋搭飛機啦~