最近，有指慈母濫用「有犯罪或不誠實意圖而取用電腦罪」，拘捕咗唔少網民。喺誠實同不誠實之間，存在好大嘅空間（好似係），好難捉摸，以下呢兩個例子又算唔算係「不誠實使用電腦」呢？

蔣元秋議員喺5月31日一大朝早，就同其他立法會議員一齊上到深圳，會見中央官員討論政改問題。向全世界宣佈自己準時出席會議係冇問題㗎，問題在於，佢身在強國嘛！翻牆好、定用漫遊數據都好，總之喺偉大嘅強國上面書就是不對！

輪到阿Treegun議員，同蔣元秋議員犯下同一錯誤不特止，佢仲罪加兩等！

疑泄露國家機密：疑似唔專心，喺開會期間影相，仲要放上面書打卡，畀全世界都睇到官員開會嘅情況，有機會泄露國家機密！

疑抄襲：由相片嘅角度同相中物件都可以明顯睇得出，同蔣元秋嘅係有99%相似，兩個都係以藍板做背景，主要focus喺自己個小名牌度。不過根據打卡嘅時間，Treegun議員係遲兩個幾鐘㗎，有理由懷疑佢係抄襲別人嘅攝影技巧同角度！

慈母，做嘢（好似要）！