讀者Samuel Ho Chi San今日喺北角站見到一個告示，呢個告示，終於揭開咗港鐵列車服務長期延誤嘅原因（好似係）！

原來，原來平時每次delay嗰陣講咩信號故障呀、前面列車尚未開出呀、路軌出現裂痕呀......都係藉口嚟㗎咋，而呢啲藉口係為咗幫大家掩飾你哋喺月台上奔跑、追車嘅問題呀！哎呀，佢哋咁為大眾著想、忍辱負重，我哋一直都錯怪咗佢哋喇。毛孩對此表示抱歉，並呼籲大家唔好再喺月台度狂奔，上唔到呢班車咪等下班，上唔到下班咪再等多班囉，實等到嘅，最緊要係唔好令到港鐵delay嘛！