噚日毛孩post咗一個題為《不誠實使用電腦？》嘅post，向大家請教一下蔣元秋議員同Treegun議員喺深圳開會嗰陣喺Facebook放相打卡，是咪算係犯咗呢條例。雖然毛孩到而家都係唔太清楚呢條例嘅應用範圍，但就有讀者留言，提出咗另一個問題：究竟點解喺強國唔可以用wifi上面書，但用數據漫遊就得？

神通廣大、看透世事、凡事謝恩嘅蔣元秋一句就解答咗呢個13億人一直都唔明嘅問題，原來係因為電訊公司要賺錢呀！飲啖水都咁感恩嘅佢，有得能人所不能咁公然喺強國上面書，唔知佢向電訊公司謝咗大恩未呢？