網友Po Yan坐巴士嘅時候，見到有個女人居然自備埋座椅，隨即就影相po上網同大家分享。

相中所見，呢兩位女士應該係識得嘅，佢哋相對而坐，言談甚歡，而面對鏡頭嗰位女士隔籬係有一個空位㗎，呀唔係，係冇空位嘅，有兩個包包坐緊。咁背對住鏡頭嗰位女士呢，（預知）冇位坐就唯有自備座椅喇。

可能你會話，唓，佢哋後面都有個位啦。嗱 ，說話笨唔係咁講嘅，即係呢，根據心理學家指出，有效嘅膠流係需要面對面咁講嘢嘅，所以計嚟計去，都係咁樣坐最適合，最可以了解到另外嗰位女士有咩需要被關愛。

故事係未完㗎，呢兩位女士發現有人影佢哋相之後，仲好興奮同好配合咁對住鏡頭開心Yeah，差在未跳起咋！

嗯，大家以後搭巴士都可以考慮學效呢位女士，咁樣自己又有位坐，又唔使佔用巴士本身嘅座位，可以畀其他有需要嘅人坐，一舉兩得呀！