港鐵作為香港人日常必搭交通工具，入面大把奇人異士，你可能見過，但你未必識晒佢哋！毛孩就同大家搜羅咗10大奇人！

1)登登登凳人

呢位小姐應該係買咗張櫈，諗住單人匹馬拎佢返屋企，點知中途見攰就唯有物盡其用咁坐喺度啫！

2)忘我機友

作為一個專業機友，每秒鐘幾廿萬（點數）上落，搭車嘅時候就梗係要爭分奪秒打機先啦，仲要唔止一部，係四部咁話！

3)反轉再反轉瑜伽大師

應該因為香港土地供應問題啦，呢位人兄似乎地盡其用咁做運動喎，咁有計，買樓不是夢啦！

4)室外變臉師

呢位國寶級變臉大師教曉我哋喺地鐵化妝可以練到手定定之餘，仲可以練大膽，無視世俗眼光。

5)消失了的小帽人

毛孩感受到佢同主人分隔兩地嘅相思之苦，所謂一種相思，兩處閑愁，淡淡嘅哀愁令毛孩同佢瘋狂玩拉鍊呀！

6)流動影癡

呢位人兄武功蓋世，能夠用念力令電話空中飄浮。任何時候任何地點任何天氣都可以人體煉成流動影院～香港電影嘅未來靠晒你。

7)小電影收藏家

大驚小怪！呢個西裝哥哥仔睇緊嘅Thisav，呀係Thismv啫，你哋未見過大蛇痾尿就唔好影人哋擺上網批鬥啦！

8)III 癡纏情侶

呢張相解釋咗個當代嘅社會倫理故事。左邊對情侶對地鐵剎車力作出自衛性動作嘅同時，隔籬個婆婆就表示非禮勿視，從中教識我哋儒家思想裡面「禮」嘅大道理～

9)肢解紅白藍

安已不！究竟係有人瞓喺裡面定只不過係個Model公仔？有怪莫怪，毛孩細路仔唔識世界…..

10)瘋婦長不出象牙

最後當然唔少得呢個很黃的女人啦！呢個瘋婦用語言快感去人生同人身攻擊慢必，毛牌心理學家指出，佢可能係出於自身缺乏陽具嘅妒忌同渴望，大家唯有包容下囉。