網友「暴民廢青」喺香港討論區發帖，教精姐妹們，「醒目女，係唔會嫁畀呢幾年先開始供樓嘅男人」。作為（自認）醒目仔嘅毛孩，當然要睇睇港女點講，學下嘢啦。

又地產霸權、又美國加息，幾時都話港女港得嚟有學識有見地，我呢啲廢青睇完都唔係好明，淨係知道總之要好多錢。計我話，醒目女，應該嫁畀樓都供唔起嘅男人（我冇暗示自己呀），咁至少唔使揹一身長命債先嘛。

討論原link：香港討論區 -醒目女，係唔會嫁俾啲呢幾年先開始供樓嘅男人

另外，高登都有位絲打「車頭大燈」表示想飛咗公屋男友。

供樓，嫁唔過；公屋，即飛。都係嗰句啦，你出世嗰陣時屎片都冇帶一條嚟，蝸居身外物，兩位醒目女果然睇得好透。毛孩又學到嘢了。

討論原link：高登討論區 - [窮絲] 男朋友住公屋 好想飛左佢