匯豐150周年紀念鈔今日開始有得拎喇，一眾男女老幼都加入炒團，鑊氣猛烈呀！今次有得炒嘅有單張、3連張同35連張嘅紀念版150蚊紙，一手入手價呢就係380、1380同埋23880，真係平有平買貴有貴入方便大眾～

最貴嘅「連張」即係啲銀紙係一張張黐埋㗎，35張銀紙連埋有成張麻雀枱咁大呀，轉一轉手唔貪心都至少賺多一萬幾千，賺嚟去轉日本都好吖。

唔想出去同人逼，又或者你根本都抽唔中嘅話，唔使唔開心㗎，神通廣大嘅淘寶話咁快已經有得賣啦，分分鐘要咩牌子咩銀碼都有?呀～

資料來源：明報