世界盃亞洲區外圍賽即將開戰，而喺球場以外就率先爆發咗一場海報之戰。

話說偉大嘅強國足協喺對香港嘅海報上，寫住：

「不轻视任何对手，这支球队的人，

有黑皮肤，有黄皮肤，有白皮肤，

这么有层次的球队，

得防着点」

而香港足總亦都立馬神回：

【唔好比人睇死】

「我哋呢支球隊，

有黑皮膚，有黃皮膚，有白皮膚，

目標都係要為香港出一口氣，

點都要撐！」

不過，依毛孩愚見，強國其實絕對冇睇死我哋。如果你哋有睇返佢哋成個系列嘅廣告，佢哋係將我哋同卡塔爾、不丹、馬爾代夫呢啲地方睇成同一個lvl，一樣都係要「防著點」！而佢數晒我哋有咩膚色嘅球員出嚟，係想讚我哋出色呀（好似係）。仲有呀，佢當我哋係自己人一樣，寫住「中國香港」㗎！

講真，如果唔係強國人肯畀我哋自己開多隊嚟玩，我哋邊有得入場呀？仲唔快啲感恩？