眾所9知，香港地物價貴，樓價更貴，毛毛打開個facebook就見到幾十個posts都係講買唔到樓，住公屋又畀女飛咁。雖然早前有為青年大劉公子已經畀咗hints屎年輕人話想買樓就睇少啲戲，去少啲日本，但現實往往都冇咁簡單……

喺噚日嘅房委會大會度，有委員根據金管局最新調查數據計過條數，香港人要唔食唔住，完全1蚊都唔使，15年半先可以買到500幾呎嘅中小型單位咋，如果樓價唔繼續升嘅話。

嗯，不過樓價又有乜可能唔升呀，你份人工就有可能。毛孩粗略估計，大家由今日開始練定不食五穀，吸風飲露，食S屙飯嘅生存技能，應該喺你有生之年都買到間房仔嘅，但如果你忍唔住食咗啖飯喇喎，咁就……，加油啦吓！