香港討論區有個叫呀豹嘅網友第一日返新工，但係佢一返就考慮緊自己應唔應該再做落去，原因係……隻腳斷咗，唔係個佢隻腳斷咗，係張寫字檯隻腳斷咗，根據佢嘅形容，仲要係「斷咗一隻腳，用兩塊磚頭墊住」

見到佢咁糾結咁上網問到底仲做唔做落去好，一眾善長網民好樂意提供幫助，仲連辭職信都幫佢寫埋。

可能你會覺得佢好小題大做，張檯爛咗咪換過張囉，但說話笨唔係咁講嘅，呢位網友做人有原則，見微知著，由小事就可以睇得出呢間公司未必靠得過，咁重視職業安全，絕對係職安真漢子！BTW，靜雞雞話你聽，我哋公司個廁所臭咗、個垃圾筒滿咗、個雪櫃空咗……非常影響到我嘅生理同心理健康呀，咁我是咪都應該辭職呀？

討論原link：香港討論區