幾日前有專家出嚟話Whatsapp同Line呢啲通訊工具會助長婚外情，其實要防，都唔係冇辦法嘅，自己睇實啲囉。我唔係叫你睇實你隻豬豬啲Whatsapp呀，我係叫你mon實佢嘅行蹤呀。點做到？

送隻戒指畀佢囉。

港女專用：呢隻戒指笨唔係一般嘅戒指，英國有間公司諗住整埋內置藍芽晶片入去，可以隨時都追蹤到戒指（即係你豬豬）嘅位置，咁就算佢去到邊都逃唔出你嘅法眼啦。

港男專用：設計師話原本設計係諗住畀你（個BB）唔見咗隻戒指，都可以搵得返。不過你都唔係唔知班港女見到鑽石先會開眼認人㗎啦，喺隻戒指度加返粒幾百卡鑽石落去，咁先夠perfect池，到時唔好話唔見咗戒指搵得返，唔見咗個人都搵到呀！