之前微軟出咗個how-old.net畀人放相上去測年齡，最近又出咗個twinsornot.net，一向富有求真精神嘅毛毛做返個實測先！

首先試下我哋嘅何韻Tree同Treegun。

六成幾似，嗯，似在佢哋兩個都有眼、耳、口、鼻、眉、毛呢六樣嘢啩（應該係）。

咁試下真‧何韻C先。

左邊嗰個係盧巧音，定係右邊嗰個係何韻詩呀？計出嚟有七成四似，唔怪得之前啲強國網民開錯火鬧錯人啦！

另外，有讀者仲試過拎龍蝦嚟測吓……

Detecting error？不過error得嚟又幾準喎，測唔到樣嘅……

嗯，不過準唔準都唔係重點嚟，反正都係畀（自認）靚仔靚女有多個機會po相呃like啫！