是咁的，話說有發現有人喺阿周阿周舊廠房整炸彈，而慈母喺下晝開咗個記者會公開膠代事件，大家一睇，就發現其中一件證物就指咗個非常有嫌疑嘅嫌疑犯出嚟嘞。

香港人慣性都會用「蛇齋餅糉」去形容建制派呢啲熱心公益嘅行為，記性稍為好少少嘅朋友，應該都會記得「蛇齋糉餅」呢個倒轉嘅講法，只得一個人講過，冇錯，就係自稱愛國愛黨嘅周溶嘞。

佢有次接受電台訪問嗰陣，表示「蛇齋糉餅」係香港人嘅生態呀。所有證供都好似指向係佢咁！

不過，佢出晒名忠貞愛黨，又唔似會做出呢啲大逆不道，公開呼籲踢走自己人嘅舉動喎。媽我好亂，咁即係關唔關佢事？嗯，周溶呀，不如你又號召幾百萬個簽名嚟撐自己冇做過啦，咁大家咪信你囉。