噚日有位藍絲姐妹喺「保衛香港運動」Facebook page貼咗張相，話相中女學生用護墊貼喺額頭度降溫喎......

毛孩左睇右睇都覺得明明係退熱貼嚟，不過護墊呢啲嘢我又未用過，唔係好肯定嗰塊嘢究竟係退熱貼定護墊。咁為咗尋求真相，就惟有尷尷尬尬，紅都面晒咁請教全個毛記電視城嘅女同事啦。

點知問勻晒都冇人用女學生額頭貼住嗰款「退熱貼護墊」喎，唔止冇人用，仲冇人見過呢隻款。

不過，我都知全個毛記電視城嘅女同事，並不代表全香港人，特別係藍絲們嘅。可能佢哋平時真係會將真‧護墊當退熱貼咁用嚟降溫啩，薄菏清涼嘛（好似係，我都係見個袋咁寫㗎咋），又唔怪得佢哋會分唔清嘅。