讀者Hirodo Lau 交咗張圖畀我哋，入面係民建聯議員印嘅「X親節快樂」Banner，但佢抵死在……睇嚟呢張原本係「母親節」Banner，到咗「父親節」就求其貼張紙改咗個「母」字做「父」字。讀者仲問：「印過張好貴咩？」嗱嗱嗱，咁講就對民建聯唔公道喇！

你話民建聯真係好Kai？

我話民建聯只不過係想慳家同埋環保啫。不過當然，如果真係想慳家同埋環保，毛孩非常建議成個民建聯都不如摺咗佢，慳得五毛得五毛嘛。

BTW，如果呢位議員想證明自己唔係「唔記得印新Banner，而係真環保」，記得下年「母親節」嘅時候，又改返呢張Banner，又再喺上面貼返張「母」同「Mo」字喇。