噚日私煙就話搞個正義聯盟黨，究竟佢要搵啲咩人組黨，先可以好似美帝嗰隊正義大聯盟咁，喺嚟緊嘅立法會選舉殺出條血路呢？

超人

香港嘅超人其實係得一個，你冇得揀。

蝙蝠俠

要成為蝙蝠俠，首先你要有錢。田大少除咗有錢，佢仲會係最危急嘅關頭挺身而出。

神奇女俠

私煙不嬲都係正義女神嘅化身，唔駛搵，自己做返。

綠燈俠

綠燈俠唔搵嚴國強，仲可以搵邊個？成功爭取延長2秒咁威威豬！

潛水俠

做得潛水俠就一定要識潛水，而發叔就係呢方面嘅專家。佢出席率已經低，票又冇投，但係佢最勁嘅都係佢可以令到34個議員同佢一齊潛水。

如果私煙真係組織到呢個有今生冇來世嘅團隊，取代民建聯成為建制第一大黨完全冇問題，應該。