世事嘅嘢，毛毛一早睇透晒，香港地九成九人唔係畢業變失業，或者啱啱做緊職場新鮮人，就係做到滑晒啞，心思思想跳下草裙舞。咪話唔益你啦，睇睇有咩好工。

又人工高又Hea：看更
喺高級商廈做實Q可以有成14K㗎~以睇報紙、認人、打招呼同巡樓嚟講，算係唔錯㗎。

又Hea又工時短：地鐵舉牌職員
地鐵月台黃衫兵團工時自由，唔少學生哥都會返學放學時去做一兩個鐘，搵下外快。

又人工高又工時短：私補
而家時薪多數都一舊水起，如果大學生補中學生，更加有200幾蚊一個鐘！工時方面，放心唔會長，你唔攰，個學生都攰啦。

不過，所謂hea唔hea、人工高唔高呢啲嘢，都係你睇我好，我睇你好嘅啫，講真，有邊份工唔辛苦吖？咪再葡萄人哋啦。