呢排成日都有建制派啲Whatsapp漏出，乜嘢秘密都冇晒之餘，仲要喺咁畀人食花生，係慘慘豬嘅。究竟點樣先可以避免洩漏國家機密，唔使驚畀人打靶而又可以互傳消息呢？

飛鴿傳書

好處：最古老嘅方法，唔驚畀人hack。啲白鴿喺議事堂到飛嚟飛去，場面可其壯觀。

問題：始終都係驚有鬼攞咗啲紙仔去爆料囉。
 

毛語錄密碼

好處：嗰啲勾結外國勢力嘅立法會議員同市民，一定冇睇過毛語錄，只有愛國愛黨嘅人先會睇。用毛語錄嘅第幾行第幾個字去互通消息，一定冇死。

問題：好多愛國愛黨嘅人成日都變節，投向西方國家嘅懷抱，毛語錄密碼隨時冇碼流出。
 

腦電波

好處：建制派咁多智將，個個坐喺到用腦電波溝通應該冇乜問題。

問題：而家建制派一盤散沙，大家啲腦電波一唔夾就會亂，一亂就會腦交戰，黐晒線，免得過都係唔好用。

講咗咁多方法都好似唔係好得，最有效嘅方法其實係做返個人，只要對得住個良心，就咩都唔怕啦！

問題係，呢個方法本身就冇問題嘅，只係在於良心唔係人人有啫。