呢幾日嗰個旋轉凌空技巧型工人廁所又為香港建築界新添傳奇，其實香港神奇樓則又點止呢個，建築商為咗練就香港人能屈能伸嘅精神，真係花盡心思㗎！

放唔落床嘅睡房

DNA嚟講呢，香港人係唔需要瞓嘅。因為你OT O到要搭的士返屋企都係未做完啲嘢，返到屋企就再繼續做做做到天光咪再返工囉，使乜床嘅啫。

神奇蚊型露台

當你以為露台可以晾衫，唔好意思，個露台係放唔落晾衫架㗎。發展商起呢個企‧一個人‧露台嘅作用應該係畀人企喺高空，離地咁思考生存意義，諗得多真係會頓悟人生，好似係。

窗台大過塊地

香港建築技術，喺不久嘅將來，相信佢哋會整到一幢牙簽咁幼嘅樓，然後啲窗台成個足球場咁大，咁先夠愛惜地球資源㗎嘛！

不過算數啦，佢起成點都唔關毛毛事，我儲一世都唔夠錢買佢個神奇廁所呀。