聽日又係七一大日子，愛國愛港嘅你一定知道今年係香港已經被回歸咗18年（應該係）。就算唔記得幾多週年，你都一定記得聽日係放假啩。

睇扯旗禮

大國已經勃起堀起，我哋每次見到祖國嘅國旗慢慢咁扯起，真係會感動到喊㗎（除非唔係）。

去遊行

香港而家咁多愛國團體，七一呢個大日子，佢哋一定上街慶祝。而最令人振奮嘅係國家係會獎勵呢啲特別愛國嘅人民，有份參與嘅都會收到國家小小嘅心意就例如人頭費五嚿。

去酒會湊熱鬧

酒會呢啲富豪嘢，唔係人人都有得去。愛國愛港嘅我哋只可以喺出面搖旗吶喊，連小市民都咁支持，祖國一定最高興。不過天文台話聽朝可能會落雨，記住做足準備，唔好淋親啊！

呢個普天同㷫嘅大日子，有咁多活動畀大家去展示愛國呢種偉大嘅情操，大家聽日識做啦！