香港天文台話會喺聽日加多一秒。由於香港嘅時間並唔係跟發叔隻錶而係跟住地球個原子鐘行，所以天文台就要喺7月1日7點59分59秒同8點0分0秒中間，加多一秒鐘。但係如果有得畀佢地揀世界多出嘅一秒放喺邊，以下呢幾個人可能會咁揀。

林健鋒

關於時間嘅嘢就一定要預埋林建鋒，如果可以畀佢揀嗰一秒加係邊，佢肯肯定希望嗰一秒會畀佢夠時間send個WhatsApp話畀大家聽發叔仲未到。

投資者

蔣麗有芸：秒秒鐘幾廿萬上落，對於投資者嚟講，嗰一秒一定會加喺個市跌到PK之前，足以決定佢嗰日使唔使上天台。（好似係）

打工仔

跳起yeah，咁以後就可以訓多一秒先起身返工，開會一定夠精神唔使瞓到死豬咁啦。

真係多謝曬天文台，我哋聽日就多咗一秒用喇。