今日熱爆嘅新聞，當然係強國篤爆咗日本嘅軍備裏面竟然有高達。偉大嘅強國已經大國崛起，科技發展一早超越咗全宇宙啦。高達？我呸。我哋國產嘅天香二號，唔好話打，見到你都知驚。

天香二號呢啲國家機密，你哋班二打六梗係唔識，其實佢原本（應該）真係高達嚟㗎，但係就畀小日本話侵權，唯有要拆咗佢再開發過。而家呢，就喺四川嘅國色天香樂園度駐紮，默默咁同佢嘅駕駛員等候報效國家嘅機會。

其實，強國嘅軍事實力真係好勁㗎，唔知大家仲記唔記得之前有隻識得潛水嘅驅逐艦鄭州號？

上次呢隻艦喺西太洋雖然出入晒水，但更加體現到解放軍上下一心，齊心協力扭轉局勢嘅團結力量，呢份團結，先至係最強嘅武器呀！有咁強勁嘅軍備，征服世界都不是夢，香港人應該要好好感謝國家對香港人嘅包容，如果唔係，要香港從此消失都得呀（巧京京呀）。