好多香港人都靠啪啪啪嚟減壓，毛毛係講緊啪啪紙呀，唔係你哋以為係咩呀？啪啪紙可以話係大家嘅童年回憶，以前一見到啲啪啪紙就起勢啪，細細個就咁養成咗啪嘢嘅習慣，搞到大個咗都係咁鍾意啪嘢……但係毛孩有個不幸嘅消息要同大家講：以後可能冇得再啪啪啪喇。

第一間研發啪啪紙嘅公司Sealed Air Crop表示因為啪啪紙好嘥位，又唔環保，所以而家冇乜運輸公司會用。冇乜公司用，即係冇乜錢賺啦，冇乜錢賺即係冇得再生產咁多啦，冇得再生產咁多即係我冇得啪咁多啦，嗚呀！

雖然佢哋話研發咗另一個新發明，之但係個新發明係冇得啪㗎唉，趁仲有得啪，就快啲買返幾卷瘋狂啪啪啪咗先喇。

資料來源：The Verge