毛毛憎死2月14,因為係情人節!毛毛憎埋7月6號,因為係唔知乜9國際接吻日!連情人都冇,接咩吻喎。不過我知你哋冇毛毛咁毒,應該都諗緊點同班豬妹sss慶祝㗎啦。
咀住影相
話明kissing day,post返張咀咀相呃like是常識吧。不過老實講,云云咁多張車輪照,點先可以突圍而出?就係拎住塊m巾喇(原來M巾咁有用)!包你唔會同人撞,創意度同sweet度爆燈!
巴黎鐵塔反轉再反轉
星爺呢幕都經典啦,相信唔少香港人都有深刻印象。今日就特別啲,同情人玩激啲,嚟個巴黎鐵塔反轉再反轉,當做gym囉。
咬到斷唇……咁滯
平時364日都過住廢青生活,就算啜啜都係廢青式啜啜,今日不如就試下名媛望族嘅特別kissy技巧啦,包你一試難忘,但咬還咬,咪L咁出力呀,我怕斷……
咩都唔做
國際接吻日又點喎,都冇人畀你咀!定你諗住見人就咀,冇人咀就咀自己手背先?咪又係要返工同OT,關我咩事喎。