最近隻很黃(但非暴力)嘅Minions很紅,個個都爭住要去同佢影相或者cosplay扮嚟影相。不過,讀者Stephanie Hung發現原來一早喺1999年,歐陽波比已經率先帶領潮流,喺「職業安全健康局」嘅廣告(影片連結)裡面著晒成套戲服,扮保背博士Minions喇!
除咗波比, 出名以低成本製作扮高人氣角色嘅lowcost cosplay亦曾經最少兩度扮過Minions。
製作好認真㗎!自己隻眼唔夠大,就用個放大鏡放大再放大,連表情都學到十足十咁,唯一要挑剔嘅就人哋個波dy明明係修身圓桶形嚟㗎嘛,做乜會邊做啤梨㗎嗚呀!(連結:上圖、下圖)
仲有,仲有,唔聲唔聲嘅流肛華都曾經低調地扮過㗎。不過佢就冇咁專業喇,衫都冇件,淨係收咗幾十條蕉皮就扮埋一份。(連結)
人就靠衣裝嚟扮Minions,但連粒糖都有得扮㗎!早前有網民喺未買到Minions糖嘅時候,用神來之筆就自製咗幾粒Minions糖呀。巧犀利呀!
你哋覺得邊個扮得最似呀?