Call的App “Uber” 入侵香港，同全港的士佬過唔去，於是的士業界就反應迅速咁即刻成立咗個「全港的士關注非法載客取酬大聯盟」，噚日號召咗過百部新界及市區的士慢駛去政總表示抗議。

到底“Uber”係乜東東搞到班的士大佬咁嬲豬呢？

呢個app提供85折的士、貨van甚至豪華房車，不過就冇租賃牌照，即係有咩事保險唔包㗎。

Uber仲有投訴同評分機制，被投訴嘅師傅會慘遭「cut單」，確保服務質素，咁客仔就唔怕遇著來自西面同自動唔找毫子嘅師傅啦。

的士業界今日會發起抗議，仲揚言如果政府只係藍剔佢地，唔排除會將行動升級，好似係堵塞主要幹線或者同「白牌車」正面衝突呢啲「震撼性」行動。

堵塞主要幹線？唔好呀！舊年的士大佬已經因為反佔中而慢駛（注意係慢駛唔係流動佔領），如果而家又慢駛，毛毛會唔會係facebook見到咁嘅status㗎？