噚日喺大學站有一位霸氣膠袋哥英勇咁衝出馬路擋坦克，呀唔係，係擋巴士。咩事令到呢位膠袋哥咁奮不顧身呢？原來係因為遲來一秒鐘所以上唔到車呀。佢仲怒鬧架巴士「係咪爭一秒你都唔開門呀？」，由於佢唔係發叔嘅關係，所以架巴士冇等到佢，咁到底有咩方法可以防止巴士唔等你呢？


Set路障：

嗱你第二朝要搭巴士返工，咁你噚晚就set定路障，架巴士咪點都唔會走咗去囉！但係記得要set得穩陣啲喎。嗱你第二朝要搭巴士返工，咁你噚晚就set定路障，架巴士咪點都唔會走咗去囉！但係記得要set得穩陣啲喎。

企係馬路中間等車：

有時唔係你趕唔切班車，而係你排排下隊顧住dup底頭玩手機，顎返高頭架巴士已經走咗，遇到呢啲情況真係好唔甘心！但係呢個呀叔就玩乜都唔怕啦！因為佢企正正喺馬路中心，咁咪唔使你睇住架巴士，係個司機驚死睇你唔到囉。

練輕功直接跳上巴士頂：

如果以上方法都覺得唔夠霸氣，不妨返去練下輕功，連巴士埋站都唔使等，隨時隨地見巴士就跳上去，仲可以隨便轉車添，不過記住落車嗰時搵返個銀仔箱畀返車錢先好走呀！

不過，計子華話齋，如果呢架唔係末日爆炸前離開地球嘅最後一架巴士，咁咪等下一架囉，使乜咁勞氣喎。