強國同香港嘅命運已經連成一線（好似係），呢排強國個股市好似睇跳水咁直插，香港個市都係一樣，好彩喺習大大嘅英明領導底下，暴力救市，強國嘅經濟先仲未死得。喺香港好多人都話自己好Q愛國，而家國家正處於危難之際，正正係呢班智將報效祖國之時。

組織警衛隊

唔使驚，組織警衛隊唔係叫你去為國家拋頭顱，灑熱血，為國捐軀。呢隊嘢嘅任務就係負責看守各個大廈嘅天台，班股民想走捷徑，冇咁容易，返落去再買過，買到個市升返先好死。

勾結外國勢力

為咗救國，勾結外國勢力又有咩問題，橫掂都係龍門任搬。股市嘅嘢其實只不過係一個關於信心嘅遊戲（除非唔係）。自稱愛國嗰班友只要遊說到班老外巨額入市，啲股民見到連班老外都入市，自然對個市充滿信心，繼續買。

瞓身救國

各位愛國人士，做唔到頭兩點唔緊要，第三點你一定做到㗎，即刻用全副身家入市，記得買國企股喎，多多益善少少無拘呀！