北韓偉大領導人金正恩5月視察一個水魚養殖場嘅時候，見到大批水魚bb死亡，因此十分嬲嬲豬，發晒脾四，鬧爆負責人管理不善，近日更加傳出水魚養殖場經理因為咁被槍決……

其實，畀金正恩無理處決嘅可憐部下又點止水魚養殖場經理？過去有唔少人因為被認為「有損黨的威嚴」而慘被處決。

北韓人民武力部長玄永哲今年四月開會時恰眼瞓，仲竟然同金正恩駁嘴，被指「不忠」遭捕，終於以高射砲公開處決。

北韓平壤國際機場新客運大樓今個月1號啟用，但機場總建築師馬元春就無緣見証開幕，事關金正恩一句「設計師沒有謹記黨的建築美學」，就喺舊年11月將佢處決。

毛毛真心希望，偉大嘅金領導都係專注研發萬能愛滋藥，唔好郁啲就下令搞掂部下啦......

資料來源：蘋果日報