香港建制派大文豪屈穎妍成日多角度咁鞭策香港嘅年青人，你哋成日以為佢同啲年青人有乜深仇大恨。其實錯晒啦，佢係對大家愛之深責之切咋，深受感動嘅毛毛特登整咗個屈穎妍警世言論特集畀大家學習下。

吹風扇係有罪：

係囉，廢青夏天流流竟然覺得熱？你班嬌生慣養嘅廢青實在太唔捱得喇，記得以後唔好喺街撥扇抹汗揸防曬帶太陽眼鏡啦，唔係又要勞煩屈小姐寫文訓導你哋㗎啦！

坐冤獄多多都唔夠：

上次嗰位年青嘅智障人士被警方特別保護咗幾日，屈小姐即刻寫文讚警方做嘢滴水不漏，仲話淨係受苦七十二小時要慶幸啦，佢一定係想大家吃得苦中苦方為人上人，七十二個鐘冤獄邊度夠喎。

年青人畀人打得遲：

七位警察幫忙用拳腳好肉緊咁教導班年青人，實在太值得表揚啦。唔止坐冤獄，畀人打都要趁早㗎，早啲畀啲人暗角打鑊，捱多啲皮肉之苦，將來先可以成大事㗎嘛！

青年人係唔需要買樓：
屈小姐唔明點解年輕人會有居住問題，係囉，毛毛都唔明㗎，香港班嬌生慣養嘅年青人肯肯定係由細到大都住千呎豪宅，仲要貪得無厭想有自己地方住啦，咁樣嘅諗法真係唔要得囉，一個人好地地點可以咁大想頭諗居住問題㗎。

毛毛同屈小姐一樣都實在看不到年青人為什麼要呼吸。聽完對年青人愛護有加嘅屈小姐對大家嘅警世勸告，各位廢青係唔係覺得好激動，心中有團火燒得好旺呢，真係把L火呀！