今朝早Joey post咗張相，話踢緊波嘅自己同艾辛是咪一模一樣。係呀，真係好似呀，Joey你套白色波衫好襯你呀！

由宏利、中國足協poster到污糟手，大家都一展抽水之能事，抽到銀河都乾埋。不過，抽水嚟講，抽人水唔算難，識自抽先係王道！除咗Joey，最近仲有啲朋友仔都大方自抽：

日前，長毛喺自己個Facebook page度些牙咗新戲《蟻俠》嘅poster，上面嗰隻蟻，細到用放大鏡都未必見到，而長議員嘅caption就寫住「梁國雄議員.jpg」。即係點？

幾年前有位巴打開post講長毛時，張圖太細，就畀人話佢「屌你唔好再細啲」喇。自此網友們一見到啲細細張嘅圖／字就會召喚梁國雄議員囉。而佢今次就自己召喚自己嘞，呀，唔知梁國雄議員忙啲定auntie忙啲呢？

另外，「我家姐一路都在太古廣場一間名牌做sales…..」家姐潮文唔少人都睇過，未睇過？ok，總之大概就係講關家姐佢喺名店鳩嗚嘅時候，留難樓主個做sale屎嘅家姐，搞到人哋冇咗份工咁啦。而關家姐上個月就有首歌叫《關家姐》，有幾句歌詞係咁嘅：「Sale屎驚佢冇人性／關家姐個性惡頂／扮巨星效應／太任性」，又幾誠實使用歌詞喎（好似係）！

資料來源：Joey Yung、Leung Kwok Hung、Jade Kwan 關心妍 Official Page