大大隻嘅吉祥物本身就已經搶眼，吉祥物嘅蝦碌就畫面就更加係搶眼中嘅搶眼，人哋大熱天時著住件咁厚嘅公仔皮已經好慘㗎啦，唔好笑人啦你哋！不過睇下又唔區嘅～

熊本熊PK：

前幾日熊本熊PK加甩手套，全港妹豬大叫好打耳呀。仲竟然唔覺意上晒報增加咗好多知名度，本身嗰啲唔識佢話「咩話？咩岡本熊話」嘅麻甩佬而家都知佢係邊個啦。

比卡超過馬路：

腳短唔係罪，不過腳短要過馬路就麻煩啲囉。不過唔緊要，趕時間即刻伸長亦得，得咗～

活塞Norurun：


呢隻東京捷運吉祥物Norurun好似唔係幾方便，想要去邊就塞到去邊，咁樣搞法發叔到咗你都未出到門口喎。

福娃隻揪：

講到吉祥物，又點少得強國呀，當年呢幾隻福娃隻揪都算係經典，仲打到甩晒鞋典晒地要工作人員救駕，真係夠晒娛樂性。

其實扮吉祥物都係賣下萌氹下人開心啫，唔蝦碌你哋邊有得笑喎，所以毛毛覺得佢哋呢啲額外特別演出真係好值得嘉許㗎。