有位讀者喺威爾斯親王醫院見到個牌，顯示內科專科門診新症預約輪候時間，大部份都要排到2017，最快嘅腎科都要等到出年8月！

除咗內科，精神科情況都唔好得幾多。噚日人民力量嘅歐陽英傑post咗張相，話有位患精神分裂同幻覺嘅老人家要等兩年先有得覆診。

吓？等埋發叔都唔使等咁耐呀嘛？不過大家又唔使咁擔心嘅，噚日喺立法會答問大會，有議員問689有關每一日街症輪候好長嘅問題， 689對答如流，話政府已經投放資源去醫管局，增設咗病床㗎喇。689咁對症下藥，輪候時間長嘅問題，就唔存在啦，就算存在，都一定唔係佢嘅問題。

資料來源：歐陽英傑