現代人個個都唔夠瞓，惟有爭取喺返工、上堂、搭車嘅時間都瞓一瞓，間斷咁累積夠8-10個鐘啦。不過，一個對睡眠質素有要求嘅人，又點會接受隨隨便便坐喺個位度釣魚咁就叫做「補眠」吖，至少都要攤直個人咁瞓啦。

來吧來吧來吧來吧，瞓晒身咁瞓住嚟健身、又健住身咁嚟瞓，一身二用，一日咪有48個鐘囉（條數好似係咁計）。

過關檢查，索性瞓喺度，畀你逐part逐part check一次啦，最好check慢啲，等我瞓耐啲嘛。嗱，我好合作㗎喇︳你咪鬼嘟我呀！

再唔係就好似呢位大媽咁，横掂都冇人放行李，就咪鬼嘥咗個位啦。由機場出返巿區都有一段時間，夠瞓返一覺㗎喇，於是一個唔該就瞓咗上去機場巴士嘅行李位度，係就係硬咗少少，但係女人都鍾意硬㗎啦。